ఒక నీగ్రోనీ, ఒక శ్వేతజాతి యువకుణ్ణీ ఒకే గొలుసుకు బంధించి పోలీసులు తీసుకుపోతూ వుంటారు. నీగ్రో, శ్వేతజాతులమధ్య తరాల తరబడి రగులుతున్న పరస్పర భీషణద్వేషాగ్ని వారిరువురిలో రేగుతున్నది. ఇద్దరినీ ఒకే గొలుసుకు బంధించి నందుకు అసహ్యం, నిస్సహాయత, ఒకరి నొకరు కోపంతో కొరకొర చూసుకుంటూ వుంటారు - పోలీసు కారు కొండదారి వెంట సాగిపోతూంది. నీగ్రో యువకుడు నిర్లక్ష్యంగా, కర్ణకఠోరంగా గీతం ఆలపిస్తూ వుంటాడు. కారులోని వారందరికీ జుగుప్స రేగుతుంది. శ్వేతజాతి యువకుడు కయ్యానికి కాలుదువ్వుతాడు. నీగ్రోయువకుడు తలబడతాడు. ఫలితంగా పోలీసు లారీ బాట పక్కన అగాధంలోనికి దొరలిపోతుంది. పలువురు మృతిచెందుతారు. యువకులిద్దరూ క్షేమంగా బ్రతుకుతారు. తప్పించుకుని పారిపోవటం యిద్దరికీ అవసరమే.
Copyright © 2021 nanduri.com | All Rights Reserved | Site designed and maintained by CodeRhythm Works